Ata do të kalojnë katër prova, pas të cilave janë fshehur katër të dhëna që identifikojnë sekretin. Detyra e banorëve është që të tregohen të vëmendshëm në çdo provë dhe të përmbushin me përpikmëri çdo detyrë që Big Brother do t’u japë.Në fazën e parë banorët gatuan. Prova nisi me rënien e gongut dhe banorët duhet të zbulonin indikacionin e parë që ndodhet brenda menusë.Banorët të kënaqur nga gatimet e bëra ulen të hanë darkë. Etleva thotë se ky është vakti më i mirë qe kanë ngrënë ndonjëherë. Banorët urojnë njëri-tjetrin : “Tju bëjë mirë”. Joana si shefe e kuzhinës falënderon stafin për punën e mirë që kanë bërë. Gjithashtu nuk mungojnë duartrokitjet e banorëve në adresë të saj. Pas kësaj banorët përgëzojnë edhe njëri-tjetrin për punën në grup.Jonilda nuk harron të urojë dhe dy banorët që kanë ditëlindjen Altinën dhe Arsimin.Ndërkohë që gjithë banorët janë duke shijuar darkën e shijshme, vetëm Oltapo qëndron me pjatë përpara dhe nuk e prek supën e pulës. Ajo bën sikur i kërkon ndjesë Anaidit dhe ja ofron atij supën e saj. Duke u munduar të shkëpusë vëmendjen e banorëve nga sekreti i saj, të cilët po e pyesin se përse nuk ha, ajo devijon me arsyetimin se nuk i ka qejf supat me krem. Ajo duket që është e uritur, dhe vendos të hajë një spec, madje një moment pyet se kur do ta sjellin tortën se ajo atë është duke pritur.Megjithatë banorët duken se po e shijojnë aq shumë ushqimin sa nuk e kanë shumë mendjen tek Olta qe mbeti pa ngrënë.
0 comments:
Post a Comment