B.B 6, lindin aleancat e para?

Anaidi i kërkon hapur bashkëpunim Joanes, duke i sqaruar se është në të mirën e tyre që Iliri të vazhdojë të flasë kundër popullit grek, sepse kështu sipas tij, i ul pikë vetës

Pasi mbarojnë diskutimin, Joana shkon në dhomën e gjumit dhe diskuton me Etlevën dhe Elonën, lidhur me mënyrën se si i është drejtuar Iliri. “Mua më duket sikur Iliri imiton disa ish-personazhe të Big Brother. “Mua më drejtohet me një gjuhë që nuk më pëlqen”, shprehet Joana.

Ndërkohë, Olta e kundërshton Ilirin lidhur me qëndrimin që ka mbajtur ndaj Joanës.
Ndërsa Joana shkon në sallon dhe Anaidi, i cili ndodhet atje, i kërkon që të sqarohen.
Ai i kërkon Joanës që të krijojë aleancë me të, pasi ai po e njeh shumë mirë si natyrë dhe sipas tij, nuk i intereson që të jenë kundërshtarë. Joana i kujton momentin kur kanë pasur një zënkë. Pasi sqarohen lidhur me debatin tyre, Anaidi i kërkon hapur bashkëpunim asaj, duke i sqaruar se është në të mirën e tyre që Iliri të vazhdojë të flasë kundër popullit grek, sepse kështu sipas tij, i ul pikë vetës. “Në qoftë se nuk do të më prishësh punë mua, lere Ilirin të flasë si të dojë e t’i shajë grekët nga mëngjesi në darkë”, i thotë Anaidi. Ai i bën të qartë Joanës se duhet të dijë të pozicionohet dhe se së të kundërt do t’i prishë punë vetes së saj.

Etleva dhe Elona komentojnë me njëra-tjetrën ofendimin e Ilirit dhe Joanës, duke e quajtur të paedukatë atë. Por sipas tyre, Iliri ka hyrë me qëllimin për të fituar dhe strategjia e tij është që t’i bëjë banorët e tjerë të dalin nga vetja, duke i ofenduar.

Tweet